LUR AWAY

Bizirik irautea jakintza arlo asko biltzen dituen artea da, hainbat teknika ezagutu beharra eskatzen baitu langintza horrek. Teknika horiei esker moldatzen gara bizitzan, eta horiek laguntzen digute bizitzak eskaintzen dizkigun baliabideak ezagutzen eta erabiltzen, eta baita arriskuak saihesten ere. Baina ez diezaiogun gezurrik esan geure buruari, inor ez baitago bakar-bakarrik eta inolako babesik gabe egoteak dakarren estutasunari eta aztoramenari aurre egiteko guztiz prestatuta. Ingurumena mendean hartzen lagunduko digute bizirik irauteko teknikek, baina gure etsairik gogorrena geure burua da, eta horri nagusitu ahal izateko nola funtzionatzen dugun jakin beharra dugu. Okerrenari aurre egiteko prest ez bagaude, nekez iraungo dugu bizirik. “GURETAKO GARRANTZITSUA ZARELA JAKIN DEZAZUN NAHI DUGU”